ЦХИНВАЛ, 21 ноя - Sputnik, Томайты Аманда. Хуссар Ирыстоны президент Гаглойты Алан цыппӕрӕмы радта стипендитӕ Хуссар Ирыстоны паддзахадон университеты (ХИПУ) хуыздӕр студенттӕн.
Стипендитӕ раттыны церемони ацыд паддзахады сӕргълӕууӕджы резиденцийы Дзауы.
Президенты стипендитӕ райстой 21 адӕймаджы. Паддзахады сӕргълӕууӕджы зӕрдӕ сын загъта стыр ӕнтыстытӕ ахуыр ӕмӕ царды.
"Хуссар Ирыстонӕн ис стыр ӕнтыстытӕ хӕдбар паддзахады арӕзтад ӕмӕ суверенитет сфидар кӕныны хъуыддаджы. Мах хъуамӕ кад кӕнӕм нӕ хистӕр кары фӕлтӕры сгуыхтдзинӕдтӕн ӕмӕ алыхатт дӕр тырнӕм ног бӕрзӕндтӕм. Хъӕуы пайда кӕнын алы фадатӕй дӕр нӕ паддзахад сфидар кӕнынӕн", - загъта президент.
ХИПУ студенттӕ бузныг загътой президентӕн ӕххуыс ӕмӕ хъусдарды тыххӕй.
Бӕрӕгбонон церемонийы фӕстӕ студенттӕ сӕххӕст кодтой цалдӕр зарӕджы, афтӕ ма ӕрныхас кодтой президентимӕ ӕнӕформалон уавӕры.
Хуссар Иры президент радта стипендитӕ ХИПУ-йы хуыздӕр студенттӕн
© Sputnik / Аманда Томаева