ЦХИНВАЛ, 21 ноя – Sputnik, Дзӕгъиаты Олег. Хуссар Ирыстоны фӕнд кӕнынц саразын паддзахадон ӕмӕ хисӕрмагонд секторты ваканситы иумӕйаг базӕ, фехъусын кодта паддзахадон мыхуыр ӕмӕ информацийы комитеты брифингы рӕстӕджы фӕллойад ӕмӕ социалон хъахъхъӕнынады министр Гаглойты Олег.
"Мах фӕнд кӕнӕм саразын сайт, цы ран уыдзӕн информаци паддзахадон ӕмӕ хисӕрмагонд секторы ӕппӕт ваканситы тыххӕй", - загъта министр.
Гаглойты Олег банысан кодта, ацы мадзал ахъаз кӕй уыдзӕн Хуссар Ирыстоны цӕрджытӕн куыст ссарыны хъуыддаджы.