ЦХИНВАЛ, 22 ноя – Sputnik, Дзӕгъиаты Олег. Ирон спортсмен Багаты Арслан рамбылдта сыгъзӕрин майдан дунейы чемпионаты уӕгъдибар хъӕбысхӕстӕй ӕфсӕддонты ӕхсӕн Ереваны (Сомих).
Багаты Арслан дунейы чемпионаты архайдта 86 килограммы уӕзы категорийы. Финалы ирон богал рамбылдта Францийы минӕвар Рахим Магамадовы 8:3 хыгъдӕй.
Багаты Арсланыл цӕуы 21 азы. Спортсмен у Уӕрӕсейы чемпион 2023 азы, афтӕ ма уый рамбылдта дуне ӕмӕ Европӕйы чемпионаттӕ 24 азы кары онг.
Дунейы чемпионат уӕгъдибар хъӕбысхӕстӕй ӕфсӕддонты ӕхсӕн цӕудзӕн Ереваны 24 ноябры онг. Уӕрӕсейы спортсментӕ турниры архайынц уӕрӕсейаг тырысайы бын.