ЦХИНВАЛ, 22 ноя - Sputnik. Хуссар Ирыстоны президент Гаглойты Алан схорзӕхджын кодта Орден Уацамонгӕйӕ Дзуццаты Владимиры (Коко) гуырдзиаг агресси аиуварс кӕныны активон хайадисты тыххӕй, хъусын кӕны паддзахады сӕргълӕууӕджы пресс-службӕ.
Дзуццаты Владимир 1989 азы 23 ноябры ӕвзонг лӕппуты сконды фыццаг рӕнхъыты ӕрлӕууыд мингай гуырдзиаг националистты ныхмӕ Хуссар Ирыстоны ТЭК-ы районы.
Гуырдзиаг хӕстонтӕ 1991 азы январы Цхинвалмӕ куы ӕрбабырстой, уӕд Дзуццаты Владимир ӕмӕ йе ‘мгӕрттӕ сорганизаци кодтой 30 адӕймаджы скондӕй гарзджын къорд.
Гаглойты Алан схорзӕхджын кодта Орден Уацамонгӕйӕ Дзауццаты Владимиры
© Пресс-служба президента РЮО