ЦХИНВАЛ, 22 ноя - Sputnik, Плиты Фатимӕ. Хуссар Ирыстоны Дзауы районы Сӕридтаты хъӕуӕй рацӕугӕ амалиуӕггӕнӕг Багаты Влад хӕрзарӕзт скодта Бӕгъиаты суары территори. Уый тыххӕй Sputnik-ӕн фехъусын кодта Дзауы районы администрацийы сӕргълӕууӕг Тыбылты Ванда.
Бӕгъиаты суар у тынг популярон республикӕйы цӕрджытӕ ӕмӕ уазджыты ӕхсӕн.
"Хӕрзарӕзтадон куыстытӕ нырма цӕуынц, фӕлӕ суар ныридӕгӕн ис мӕнгагъуысты бын, йӕ алыварс та ӕвӕрд у плиткӕ. Нывӕсты ма ис саразын чысыл сквер", - загъта Тыбылты Ванда.
Районы сӕргълӕууӕг баныфсӕвӕрдта, суары хӕрзарӕзт кӕй ӕрбаздахдзӕн республикӕмӕ ноджы фылдӕр туристты.
Топ-5 минеральных источников Южной Осетии
© Sputnik