ЦХИНВАЛ, 26 ноя – Sputnik. Хуссар Ирыстоны мит кæй ныууарыд, уымæ гæсгæ паддзахадон автоинспекци сиды шофыртæм æмæ фистæгæй цæуджытæм, цæмæй лæмбынæгдæр æххæст кæной фæндаджы змæлды æгъдæуттæ.
Шофыртæй курынц, цæмæй сындæгдæр кæной сæ цыд, сæ хъус дарой машинæты `хсæн дистанцимæ æмæ ма рох кæной сæ рухсытæ иу кæнын. Фистæгæй цæуджытæн та амонынц фæндаджы сæрты сæрмагонд бынæтты хизын æмæ рухс здахæн нысæнттæй пайда кæнын.