ЦХИНВАЛ, 28 ноя – Sputnik. Республикон бирæпрофилон медицинон центры фæнд кæнынц реабилитацион бынæттæ бакæнын. Уый хъуамæ хуыздæрырдæм бандава медицинон æххуысы хæрзхъæддзинадыл, радзырдта Sputnik-æн æнæниздзинадхъахъхъæнынады министрады реабилитаци æмæ санаторон-курортон дзæбæхкæнынады хайады сæргълæууæг Кокайты Мадинæ.
Йæ ныхæстæм гæсгæ, рынчындоны цалдæр хайады ахæм бынæттæ куы фæзыной, уæд, операци кæмæн скодтой, уыцы пациенттæм зилдзысты æмбæлон æгъдауæй, нырыккон медицинæйы домæнтæ хынцгæйæ. Уымæй уæлдай Хуссар Ирыстоны фæнд кæнынц сæрмагонд реабилитацион центр саразын.