ЦХИНВАЛ, 28 ноя – Sputnik. Цхинвалы ацыдис мастер-класс SputnikPro. Ног хабæрттæ фыссын куыд хъæуы, цавæр структурæ сын хъуамæ уа æмæ сын райсæн кæцæй ис, стæй аудиториимæ куыд архайгæ у, ууыл дзырдта Æхсæнадæмон медиакъорд "Россия сегодня"-йы Информацийы сæйраг дирекцийы регионон информацийы редакцийы сæргълæууæджы хæдивæг Дарья Урæва.
Байхъусынмæ йæм æрбацыдысты республикæйы дзыллон информацийы фæрæзты кусджытæ, министрæдты æмæ ведомствоты пресс-службæты минæвæрттæ, афтæ ма Хуссар Ирыстоны паддзахадон университеты журналистикæйы факультеты студенттæ.