ЦХИНВАЛ, 29 ноя – Sputnik. Цæгат Ирыстоны æхсæз æвзонг амалгæнæджы се `мкусджытимæ райсдзысты 100 мин сомæй 500 мин сомы онг гранттæ. Уый тыххæй фехъусын кодта Сергей Меняйло.
Республикæйы сæргълæууæг йæ telegram-каналы куыд ныффыста, афтæмæй субсидитæ ахъаз кæндзысты бизнесы рæзтæн. Паддзахадон æххуысы руаджы республикæйы срæвдз уыдзæн, зæгъæм, натуралон хосгæнæн косметикæйы кондад, социалон хъæппæристы лаборатори, æххæст æрцæудзысты æндæр проекттæ дæр.