ЦХИНВАЛ, 2 дек — Sputnik. Хуссар Ирыстоны президент Гаглойты Алан раарфæ кодта банкон къабазы кусджытæн сæ профессионалон бæрæгбоны фæдыл.
"Уæ профессионализм æмæ бæрнон ахаст куыстмæ ис бæрзонд æмвæзадыл. Уæ архайды руаджы банкон къабаз размæ цæуы, уымæй та арæзт цæуынц уавæртæ адæмы цард фæхуыздæр кæнынæн", - загъта президент.
Паддзахады сæргълæууæг бахахх кодта, банкон кусджытæ дарддæр кæй æвдисдзысты куысты бæрзонд стандарттæ æмæ егъау хайбавæрд хæсдзысты республикæйы экономикон потенциал сфидар кæнынмæ.