ЦХИНВАЛ, 2 дек – Sputnik. Хуссар Ирыстоны ивгъуыд къуыри регистраци æрцыд дыууæ фыдракæнды æмæ иу фæндагон-транспортон цау.
Пресс-службæйы куыд банысан кодтой, афтæмæй мидхъуыддæгты органтæ раргом кодтой иу фыдракæнд.
"Алыгъуызон æхсæнадон фæткхæлдты тыххæй милицийы кусджытæ бæрндзинадмæ æрбаздахтой æхсæз адæймаджы", - бафтыдтой Мидхъуыддæгты министрады.
Афтæ ма Паддзахадон автоинспекцийы кусджытæ иу къуыримæ сбæрæг кодтой фæндагон змæлды 212 фæткхалды. Цыппар шофыры скъæрдтой автотранспорт нозтджынæй.