ЦХИНВАЛ, 3 дек – Sputnik. Хуссар Ирыстоны президент Гаглойты Алан бахӕс кодта хицауадӕн, цӕмӕй йын ӕрвылбон ӕвдисой хыгъдлӕвӕрдтӕ инвестицион программӕйы фӕлгӕтты арӕзтады тыххӕй.
Хуссар Ирыстоны президенты пресс-службӕ куыд хъусын кӕны, афтӕмӕй ӕмбӕлон фӕдзӕхст Гаглойты Алан радта хицауады сӕрдар Джуссойты Константин ӕмӕ арӕзтады министр Цоциты Зауыримӕ фембӕлды рӕстӕджы.
Цоциты Зауыр радзырдта президентӕн, объектты фылдӕр хайы куыстытӕ кӕй фесты, ныр цӕттӕ цӕуы документаци. Министры ныхӕстӕм гӕсгӕ, арӕзтадон куыстытӕ фесты сывӕллӕтты лагеры Мзиугомы, уый ратдзысты эксплуатацимӕ азы кӕрӕтты экспертизӕ райсыны фӕстӕ.