ЦХИНВАЛ, 3 дек - Sputnik. Хуссар Ирыстоны президент Гаглойты Алан раарфæ кодта Фриаты Хъазбегæн Æппæтдунеон æхсæнадон змæлд "Аланты Ныхас"-ы разамонæгæй йæ кæй снысан кодтой, уый фæдыл, хъусын кæны паддзахады сæргълæууæджы пресс-службæ.
"Æппæтадæмон æхсæнадон змæлд "Аланты Ныхас"-æн ис Ирыстоны цæгат æмæ хуссары социалон, рухстауæн, культурон, фæткæвæрдон æмæ экономикон фарстытæ скъуыддзаг кæныны хæс", - дзырдæуы хъусинаджы.
Гаглойты Алан бахахх кодта, Фриаты Хъазбеджы Ирыстоны кæй зонынц алыхатт дæр æххуысмæ чи æрбацæудзæн, ахæм адæймагæй.
Паддзахады сæргълæууæг баныфсæвæрдта, Фриаты Хъазбеджы къухдариуæгады бын "Аланты Ныхас"-æн кæй уыдзæн ног æнтыстытæ, афтæ ма æрнывыл уыдзысты фидар бастдзинæдтæ нæ адæмы æхсæн.