ЦХИНВАЛ, 3 дек - Sputnik. Уӕрӕсейаг ӕфсӕддонтӕ ссӕрибар кодтой Новодаровкайы хъӕу Запорожаг областы ӕмӕ Романовкайы хъӕу Донецкы Адӕмон Республикӕйы (ДАР), хъусын кӕны Уӕрӕсейы Хъахъхъӕнынады министрад.
Новодаровка активон архайды руаджы бацахстой ӕфсӕдты къорд "Скӕсӕн"-ы дӕлхайӕдтӕ.
Ацы здӕхты украинӕйаг ӕфсад фесӕфта 155 хӕстоны бӕрц, танк, цыппар бронетраспортеры, фондз хӕдтулгӕйы ӕмӕ 152-мм артиллерион хӕцӕнгарз "Акация".
Романовкайы хъӕу та ссӕрибар кодтой ӕфсӕдты къорд "Хуссар"-ы дӕлхайӕдтӕ, бафтыдтой министрады.
Знаг ацы здӕхтыл фесӕфта 370 ӕфсӕддоны бӕрц, пехотӕйы хӕстон хӕдтулгӕ, фондз хӕдтулгӕйы ӕмӕ радиоэлектронон тохы станц. Афтӕ ма куынӕг ӕрцыд Украинӕйы Гарзджын тыхты хӕстӕрмӕджыты ӕфтауц.