ЦХИНВАЛ, 4 дек — Sputnik. Хуссар Ирыстоны столицæйы Toyota хæдтулгæ ныццавта 65-аздзыд сылгоймаджы, фехъусын кодта æртыццæджы республикæйы Мидхъуыддæгты министрады (МХМ) пресс-службæ.
"Цхинвалы Харебаты Исахъы æмæ Хъайтарты уынджы алвæндагыл Toyota хæдтулгæ ныццавта 65-аздзыд сылгоймаджы, уый рацæйхызт фæндаг æнæраст бынаты", - банысан кодтой уагдоны.
Министрады бафтыдтой, зæгъгæ, сылгоймаджы бакодтой Республикон бирæпрофилон медицинон центрмæ, цы ран дохтыртæ сбæрæг кодтой, йæ цонг кæй ацъæл. Æнæмæнгхъæугæ æххуыс бакæныны фæстæ сылгоймаджы ауагътой хæдзармæ.