ЦХИНВАЛ, 9 дек – Sputnik. Хуссар Ирыстоны Дзауы районы æрцахстой 41-аздзыд нæлгоймаджы гæнæй пайда кæныны æмæ æвæрыны тыххæй. Уый тыххæй хъусын кæны республикæйы Мидхъуыддæгты министрады (МХМ) пресс-службæ.
Хисæрмагонд басгæрсты рæстæджы нæлгоймагмæ ссардтой гæны 1,93 граммы.
Пресс-службæйы куыд банысан кодтой, афтæмæй медицинон басгæрст сбæрæг кодта, нæлгоймаг кæй пайда кодта наркотикон буарад гæнæй.
Фæткхалæджы фæдыл сарæзтой административон протокол. Цауы фæдыл басгæрст уадзы Дзауы районы Мидхъуыддæгты хайад.