ЦХИНВАЛ, 9 дек - Sputnik, Томайты Аманда. Цхинвалы цӕрджыты куырдиатӕй столицӕйы сӕйраг фӕзуаты Ног азмӕ сӕвӕрдзысты удӕгас назбӕлас. Уый тыххӕй Sputnik-ӕн фехъусын кодта горӕты мэр Гӕбӕраты Алан.
"Хъӕдгӕстӕ равзӕрстой, иннӕ бӕлӕсты чи райдыдта хъыгдарын, ахӕм назбӕлас. Йӕ бӕрзӕнд уыдзӕн 15 метры онг. Мах аскъуыддзаг кодтам сӕвӕрын удӕгас назбӕлас цӕрджыты куырдиатмӕ гӕсгӕ", – банысан кодта мэр.
Гӕбӕраты Алан бафтыдта, зӕгъгӕ, назбӕлас сӕвӕрдзысты фӕзуаты 17-20 декабры, уый фӕстӕ йӕ райдайдзысты фӕлындын Ног азмӕ.