ЦХИНВАЛ, 10 дек — Sputnik. Беслæны теракты зианбаййафджыты реабилитацийæн рахицæн кæндзысты 280 милуан сомы бæрц æввахс æртæ азы, фехъусын кодта Цæгат Ирыстоны сæргълæууæг Сергей Меняйло.
"Президенты фæдзæхсты руаджы махæн бантыст фæфылдæр кæнын финанскæнынады суммæ æмæ бахæссын реабилитацийы программæмæ зианбаййафæг æмбæстæгты сабиты дæр", - банысан кодта Меняйло.
Йæ ныхæстæм гæсгæ, сæрмагонд медицинон æххуыс райсдзысты 800 адæймаджы бæрц, сæ нымæцы 297 сывæллоны.