ЦХИНВАЛ, 10 дек – Sputnik. Цӕгат Ирыстоны фӕндӕгтӕ ссыгъдӕг кӕндзысты ӕнӕраст бынӕтты цы уӕзласӕн хӕдтулгӕтӕ лӕууынц, уыдонӕй. Уый тыххӕй хъусын кӕны Цӕгат Ирыстоны сӕргълӕууӕг ӕмӕ хицауады пресс-службӕ.
Республикӕйы сӕргълӕууӕг федта хъусинӕгтӕ социалон хызӕгты ӕмӕ бахӕс кодта бӕрнон структурӕтӕн ауадзын басгӕрст ӕмӕ райсын мадзӕлттӕ.
"Паддзахадон автоинспекцийы бӕрӕггӕнӕнтӕм гӕсгӕ, Цӕгат Ирыстоны фӕндӕгтыл ныртӕккӕ ис 1815 уӕзласӕн хӕдтулгӕйы, уыдонӕй ӕрмӕстдӕр 750 бакодтой сӕрмагонд лӕууӕн бынӕттӕм. 4600 уӕзласӕн хӕдтулгӕйы бӕрц ӕнхъӕлмӕ кӕсынц сӕ радмӕ ӕрбацӕуынӕн. Уавӕр ма уӕззау уымӕ гӕсгӕ у, ӕмӕ фӕстаг къуыри уадзӕн пункт "Уӕллаг Ларс"-ы уылты рахызтысты 17 мин хӕдтулгӕйы ӕмӕ 37 мин адӕймаджы", - хъусын кӕны пресс-службӕ.
Уый фӕдыл Сергей Меняйло бахӕс кодта ракӕнын ӕппӕт уӕзласӕн хӕдтулгӕтӕ сӕрмагонд лӕууӕн бынӕттӕм. Республикӕйы сӕргълӕууӕг ма ӕрдомдта бӕрнон гоймӕгтӕй, цӕмӕй саргъ кӕной регионы фӕндӕгты уавӕрӕн.