ЦХИНВАЛ, 11 дек — Sputnik. Хуссар Ирыстоны спортсментæ бацахстой цыппæрæм бынат командон хыгъды æхсæнрегионалон турниры уæлыстъол теннисæй "Шаг в будущее - СКФО", фехъусын кодта фæсивæдон политикæ æмæ спорты фæдыл комитеты пресс-службæ.
Ерыстæ цыдысты Кæсæг-Балхъары.
"Цыппар туры фæстиуджытæм гæсгæ хуссарирыстойнаг теннисисттæ бацахстой цыппæрæм бынат. Хисæрмагонд ерысты фыццаг финалмæ ахызт Майя Касрадзе. Дыккаг финалмæ та ахызт Къуылыхты Зæринæ", - дзырдæуы хъусинаджы.
Хуссар Ирыстоны теннисистты тренертæ сты Уалыты Ирина, Остъаты Лидия æмæ Джиоты Мириан.