ЦХИНВАЛ, 12 дек – Sputnik. Цхинвалы милицийы кусджытæ уадзынц рейдтæ пиротехникæйы æнæзакъонон реализацийы фæдыл. Уый тыххæй хъусын кæны Хуссар Ирыстоны Мидхъуыддæгты министрады (МХМ) пресс-службæ.
Мадзæлтты рæстæджы ссардæуыд пиротехникæйы 2000 иуæджы, арæзт æрцыдысты административон æрмæджытæ базарадон объектты хицæутты фæдыл.
Цхинвалы фадыгонты хайады хистæр Остъаты Олег бахахх кодта, тæссаг кæй у пайда кæнын æвзæр гъæдимæ пиротехникæйæ æмæ зæрдыл æрлæууын кодта амалиуæггæнджытæн йæ реализацийыл тобæ кæй ис, уый. Кæд пиротехникæ зиан æрхæсса æлхæнæджы æнæниздзинадæн, уæд уголовон бæрндзинад хæсдзæн дуканийы уæйгæнæг.