ЦХИНВАЛ, 13 дек — Sputnik. Уæрæсе æмæ Хуссар Ирыстоны Уæлвæткон уавæрты министрæдты æмархайды бæрзонд æмвæзад у республикæйы æмбæстæгты æрдзон бæллæхтæй хъахъхъæныны бындур. Уый тыххæй радзырдта президент Гаглойты Алан Уæлвæткон уавæрты министрады (УУМ) сæргълæууæг Гассеты Ибрагимимæ фембæлды рæстæджы, хъусын кæны паддзахады сæргълæууæджы пресс-службæ.
Министр радзырдта президентæн Уæрæсемæ йæ кусæгон балцы хатдзæгты тыххæй, афтæ ма Уæрæсейы УУМ сæргълæууæг Александр Куренковимæ баныхасы тыххæй.
Гаглойты Алан бузныг загъта уæрæсейаг фарсæн æдзух хъусдарды тыххæй Хуссар Ирыстоны æдасдзинады фарстытæм.
"Уæрæсе æмæ Хуссар Ирыстоны уæлвæткон уавæрты министрæдтæ дарддæр æвдисынц æмархайды бæрзонд æмвæзад, уый та ахъаз у æмбæстæгты хъахъхъæнынадæн æрдзон æмæ техногенон тæссагдзинæдтæй. Мах аргъ кæнæм уæрæсейаг уагдоны æххуысæн æмæ цæттæ стæм дарддæр уæрæх кæнын æмгуыстад", - фехъусын кодта президент.
Гаглойты Алан æмæ Гассеты Ибрагим
© Пресс-служба президента РЮО