ЦХИНВАЛ, 16 дек – Sputnik, Плиты Фатимӕ. Ног азы размӕ Хуссар Ирыстоны президент сӕххӕст кӕндзӕн сывӕллӕтты бӕллицтӕ хӕрзаудӕн акци "Мӕ ногазон бӕллиц"-ы фӕлгӕтты.
Ацы традицион акцимӕ ныр ӕрбаиу кодтой сӕрмагонд ӕфсӕддон операцийы рӕстӕджы чи фӕмард, уыдоны сабиты дӕр.
Президент Алан Гаглоев принял участие в новогодней благотворительной акции "Елка желаний"
© Sputnik / Михаил Авагимов
Паддзахады сӕргълӕууӕг райста дӕс фыстӕджы бӕрц сывӕллӕтты бӕллицтимӕ.
"Мӕн тынг фӕнды, цӕмӕй азӕй азмӕ нӕ сывӕллӕттӕ хуыздӕр ӕмбӕлой Ног азыл", - загъта президент.
Фыстӕджыты автортӕ – сывӕллӕтты хӕдзар ӕмӕ интернатты хъомылгӕнинӕгтӕ ракуырдтой Митын Дадайӕ алыгъуызон лӕвӕрттӕ, нырыккон гаджеттӕ, ноутбуктӕ, планшеттӕ, классикон хъазӕнтӕ ӕмӕ афтӕ дарддӕр.