ЦХИНВАЛ, 16 дек – Sputnik. Цхинвайлаг спортсмен Санахъоты Ален рамбылдта бронзӕйон майдан Уӕрӕсейы сгуыхт тренертӕ Зӕгъойты Рамазан ӕмӕ Наниты Олегы номарӕн турниры уӕгъдибар хъӕбысхӕстӕй Цӕгат Ирыстоны. Уый тыххӕй хъусын кӕны РЦИ-Аланийы спорты министрады пресс-службӕ.
Ерыстӕ цыдысты горӕт Беслӕны ӕмӕ ӕрӕмбырд кодтой республикӕйы тыхджындӕр ӕвзонг хъӕбысӕйхӕцджыты.
Санахъоты Ален архайдта 51 килограммы уӕзы категорийы. Ерысты алкӕцы уӕзы категорийы уӕлахиздзаутӕ ӕмӕ призерты схорзӕхджын кодтой майдантӕ ӕмӕ грамотӕтӕй.