ЦХИНВАЛ, 17 дек – Sputnik. Хуссарирыстойнаг спортсменкӕ Кокойты Аманда рамбылдта ӕвзист майдан Цӕгат Ирыстоны гом чемпионаты уӕлыстъол теннисӕй. Уый тыххӕй фехъусын кодта РХИ уӕлыстъол теннисы федерацийы сӕргълӕууӕг Джиоты Мириан.
"Аманда ахызт финалмӕ ӕмӕ бацахста дыккаг бынат", - банысан кодта Джиоты Мириан.
Кокойты Аманда ӕмӕ Майя Касрадзе
© Photo : Пресс-служба комитета по молодежной политике и спорту РЮО
Хуссар Ирыстоны ноджы иу минӕвар Майя Касрадзе къайон ерысты ссис бронзӕйон призер Захар Богославецимӕ.
"Хисӕрмагонд ерысты Майяйӕн чысыл не сфаг, цӕмӕй бахауа кады пьедесталмӕ – уый ацыд цыппӕрӕм бынатыл", - банысан кодта тренер.
Спортсментӕ тренировкӕ кӕнынц Джиоты Мириан ӕмӕ Уалыты Иринайы къухдариуӕгады бын.
РЦИ-Аланийы чемпионат
© Photo : Пресс-служба комитета по молодежной политике и спорту РЮО