ЦХИНВАЛ, 17 дек - Sputnik. Цхинвалы администрацийы сӕргълӕууӕг Гӕбӕраты Алан Хуссар Ирыстоны президент Гаглойты Аланимӕ фембӕлды рӕстӕджы хатдзӕгтӕ скодта мэрияйы куыстӕн 2024 азы.
Сӕйраг ӕнтыстыты ӕхсӕн:
микрорайон "Цӕгаттаг"-ы хиды цалцӕг;
Цхинвалы уынгты хӕрзарӕзтад;
столицӕйы уынгтӕ быронӕй ссыгъдӕг кӕныны фӕдыл куыстыты райдиан;
кӕцыдӕр скъолатӕ ӕмӕ сабидӕтты хъармгӕнӕн системӕты цалцӕг;
Цхинвал Ног азы бӕрӕгбонмӕ бацӕттӕ кӕныны фӕдыл куыстытӕ.
Президент бахӕс кодта ӕрбавдисын ӕппӕт кусджыты номхыгъд, кӕдон архайдтой хиды цалцӕггӕнӕн куыстыты, цӕмӕй сӕ схорзӕхджын кӕной.