ЦХИНВАЛ, 19 дек - Sputnik, Томайты Аманда. Хуссар Ирыстоны цалдӕр хъӕуы баззадысты ӕнӕ рухсӕй ӕвзӕр боныгъӕды тыххӕй. Уый тыххӕй Sputnik-ӕн радзырдтой Паддзахадон унитарон куыстуат "Энергоресурс"-ы.
"Тыхджын митуард ӕмӕ тыхдымгӕты аххосӕй Знауыры районы ӕнӕ электроэнергийӕ баззад Нагутнийы хъӕу; Цхинвалы районы – Арцеу, Монастер, Додот ӕмӕ Дидмуха; Ленингоры районы – Цъинагары зонӕ; Дзауы районы – Синагур, Цъон ӕмӕ Ерцъойы хъӕутӕ", - банысан кодтой куыстуаты.
Уым ма бафтыдтой, зӕгъгӕ, куыстуаты специалистты хъӕудзӕн кусын Уӕлвӕткон уавӕрты министрадимӕ, уымӕн ӕмӕ бирӕ хъӕутӕм техникӕйӕн ссӕуыны фадат нӕй стыр миты аххосӕй.