ЦХИНВАЛ, 19 дек – Sputnik. Уӕрӕсейы президент Владимир Путин йӕ комкоммӕ эфиры рӕстӕджы фехъусын кодта, сӕрмагонд ӕфсӕддон операцийы уавӕр кӕй ивы, уӕрӕсейаг ӕфсӕдтӕ размӕ цӕуынц фронты ӕппӕт фадгуыты.
"Нӕ хӕстонтӕ ӕрвылбон ссӕрибар кӕнынц цалдӕргай квадратон километры", - загъта паддзахады сӕргълӕууӕг.
Владимир Путин банысан кодта, уӕрӕсейаг хӕстонтӕ кӕй ӕвдисынц хъайтардзинад тохы быдыры, ӕмӕ сын йӕ зӕрдӕ загъта уӕлахиз.
Мӕскуыйы цӕуы Владимир Путины комкоммӕ лини ӕмӕ пресс-конференци. Паддзахады сӕргълӕууӕг комкоммӕ эфиры хатдзӕгтӕ скодта ивгъуыз азӕн ӕмӕ дзуапп кӕны журналисттӕ ӕмӕ уӕрӕсейӕгты фарстытыл.
Мадзал цӕуы Мӕскуыйы Гостиный дворы – ацы ран ӕрӕмбырд сты журналисттӕ, се ‘хсӕн фӕсарӕйнаг прессӕйы минӕвӕрттӕ дӕр.