ЦХИНВАЛ, 19 дек – Sputnik, Томайты Аманда. Хуссар Ирыстоны Цхинвалы районы егъау митуард зиан æрхаста фæндæгтæн. Уый тыххæй Sputnik-æн фехъусын кодта районы сæргълæууæг Бæззаты Инал.
Йæ ныхæстæм гæсгæ, сæрмагонд техникæ ныридæгæн ссыгъдæг кодта фæндæгтæ Дампалет, Зар æмæ Додоты хъæуты. Абон фæнд кæнынц ссыгъдæг кæнын фæндæгтæ Рустау, Ортъеу æмæ Джеры, райсом та – Бихъар, Арцеу æмæ Залдайы.
Районы техникæ кæй нæ фаг кæны, уый фæдыл æрбаздахынц æххуырст техникæ. Районы ма ис проблемæ электроэнергиимæ дæр.
Знауыры районы пресс-службæйы кусæг Оттаты Алена радзырдта Sputnik-æн, районы фæндæгтæ æнæрлæугæйæ кæй сыгъдæг кæнынц.
"Куыстыты архайы сæрмагонд техникæйы фондз иуæджы. Уыдон рæстæгыл ссыъдæг кæнынц районы фæндæгтæ, уый фæдыл нæм егъау проблемæтæ нæй. Ныртæккæ активон куыст цæуы Балтайы хъæуы", - загъта Оттаты Алена.
Йæ ныхæстæм гæсгæ, сæйраг фæндаг Цхинвал – Знауыр ссыгъдæг кæныныл архайы.
Паддзахадон унитарон куыстуат "Дорэкспострой".