ЦХИНВАЛ, 20 дек – Sputnik. Хуссар Ирыстоны президент Гаглойты Алан раарфӕ кодта республикӕйы паддзахадон ӕдасдзинады органты кусджытӕн сӕ профессионалон бӕрӕгбоны фӕдыл, хъусын кӕны паддзахады сӕргълӕууӕджы пресс-службӕ.
"Иууыл уӕззаудӕр моментты нӕ историйы сымах ӕвдыстат хъайтардзинад ӕмӕ патриотизм. Сымах егъау хайбавӕрд бахастат нӕ Райгуырӕн бӕстӕйы ӕдасдзинад сӕххӕст кӕныны хъуыддагмӕ. Сымахыл ис егъау бӕрндзинад – хъахъхъӕнын паддзахадон интерестӕ, иуварс кӕны цыфӕнды тӕссагдзинӕдтӕ Хуссар Ирыстонӕн", - банысан кодта Гаглойты Алан.
Президент уӕлдай бузныджы ныхӕстӕ загъта ӕдасдзинады органты ветерантӕн.