ЦХИНВАЛ, 20 дек – Sputnik. Цхинвалы дуканитæй иуы милицийы кусджытæ ссардтой æнæлегалон энергетиктæ.
"Дуканийы хицау, Цхинвалы 36-аздзыд цæрæг сылгоймаджы фæдыл сарæзтой æрмæджытæ административон фæткхалды фæдыл", - дзырдæуы Мидхъуыддæгты министрады хъусинаджы.
Сылгоймагмæ æнхъæлмæ кæсы ивар йæ базайрæгты конфискациимæ.
Ноджы ма иу дуканийы сбæрæг кодтой æнæзакъонон амалиуæгадон архайд. Дуканийы хицау, Цхинвалы 45-аздзыд цæрæг сылгоймаджы æрбаздахтой административон бæрндзинадмæ æнæрегистрацийæ амалиуæгадон архайды тыххæй.