ЦХИНВАЛ, 23 дек - Sputnik. Хуссар Ирысстоны спортсментӕ бацахстой ӕртыккаг бынат командон ерысты хӕстон ӕмтохӕдты чемпионат "Комбат"-ы Уфайы, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.
Чемпионат ацыд хӕстон аивӕдты ХХ Ӕхсӕнадӕмон спартакиадӕйы фӕлгӕтты.
"Ӕппӕтстилон каратэйӕ командон ерысты нӕ спортсментӕ бацахстой ӕртыккаг бынат", - банысан кодтой уагдоны.
Ацы дисциплинӕйӕ хисӕрмагонд ерысты фыццаг бынӕттӕ бацахстой Тыбылты Алана, Хъуылымбегты Аня ӕмӕ Туаты сӕрмӕт.
"Free - Combat" дисциплинӕйы расгуыхтысты Хъуылымбегты Аня, Тыбылты Алана, Туаты сӕрмӕт, Харебаты Арсен, Ходты михаил ӕмӕ Пӕррӕстаты Сослан. "Oriental - Combat" дисциплинӕйы ерысты призер ссис Пӕррӕстаты Михаил.
Хуссар Иры ӕфзонг спортсментӕ ӕнтыстджын архайд скодтой "Комбат" турниры Уфайы
© Photo : Пресс-служба комитета по молодежной политике и спорту РЮО