ЦХИНВАЛ, 24 дек – Sputnik, Плиты Фатимæ. Хуссар Ирыстоны фæнд кæнынц саразын психологон-педагогон, медицинон æмæ социалон æххуысы центр низæфхæрд сабитæн. Уый тыххæй мыхуыр æмæ информацийы комитеты пресс-конференцийы рæстæджы радзырдта Уæрæсейæ æрхонгæ специалист, дефектолог Александр Крысов.
Йæ ныхæстæм гæсгæ, нырма скъуыддзаг цæуы фидæны центры уæвынады бынат æмæ организацион структурæйы фарстытæ, фæлæ активон куыст уый фæдыл цæуы республикæйы хицауад æмæ ахуырады министрадимæ.
Александр Крысов бафтыдта, зæгъгæ, сæйраг проблемæ у низæфхæрд сабитимæ чи куса, ахæм специалистты цухдзинад. Ныртæккæ республикæйы кусынц æрмæстдæр дыууæ ахуыргæнæг-дефектолоджы сæрмагонд ахуырадимæ: Цхинвалы скъола-интернат æмæ фыццæгæм сабидоны.
Александр Крысов Хуссар Ирыстоны кусы фондз азы дæргъы, специалист архайы коррекцион ахуырады системæйы райрæзтыл.
Пресс-конференцийы ма хайад райстой дефектолог Цхуырбаты Анна æмæ логопед Хъæцмæзты Маргарита.
Мыхуыр æмæ информацийы комитеты пресс-конференци
© Sputnik / Михаил Авагимов