ЦХИНВАЛ, 25 дек – Sputnik. Милицийы кусджытæ базарадон объектты рейдты рæстæджы ссардтой дуканитæй иуы тобæгонд энергетикон нозт, фехъусын кодта Хуссар Ирыстоны Мидхъуыддæгты министрады (МХМ) пресс-службæ.
"Дуканийы 40-аздзыд хицауы фæдыл сарæзтой æрмæджытæ административон фæткхалды фæдыл. Горæты цæрæг сылгоймагмæ æнхъæлмæ кæсы ивар административон фæткхалды æрмæджыты конфискациимæ", - дзырдæуы хъусинаджы.
Дыккаг дуканийы оперативон кусджытæ сбæрæг кодтой æнæзаконон амалиуæгадон архайд. Цауы фæдыл бакодтой административон хъуыддаг.