Цхинвалы медико-социалон центры цæрджытæ райстой лæвæрттæ президентæй

ЦХИНВАЛ, 25 дек — Sputnik. Цхинвалы медико-социалон центры цæрджытæн радтой лæвæрттæ Хуссар Ирыстоны президент Гаглойты Аланæй.

Центры цæрджытæн лæвæрттæ радтой президенты администрацийы сæргълæууæджы хæдивæг Тыбылты Алан æмæ президенты æххуысгæнæг Плиты Алан.

Центры кусджытæ бадзырдтой Тыбылты Аланмæ куырдиатимæ, цæмæй сын фæфылдæр кæной сæ мыздтæ, уымæн æмæ сæ 15 мины мыздæй фæцæрæн нал ис ныры æргътимæ.

Тыбылты Алан баныфсæвæрдта, ацы фарстыл куыст кæй цæуы, æмæ мыздтæ фæфылдæр уыдзысты фидæн аз.