ЦХИНВАЛ, 13 янв – Sputnik, Плиты Фатимӕ. Хуссарирыстойнаг армрестлертӕ рамбылдтой ӕхсӕз майданы Цӕгат Кавказы федералон зылды (ЦКФЗ) фыццагады. Уый тыххӕй Sputnik-ӕн радзырдта тренер Джиоты Валерий.
Ерыстӕ ацыдысты спорты Галуан "Манеж"-ы Дзӕуджыхъӕуы.
"Сӕ уӕзы категориты ӕрыгӕтты ӕхсӕн уӕлахиздзаутӕ ссисты: Ӕлборты Эмилия (55 кг), Давид Пащенко (65 кг) ӕмӕ Гӕбӕраты Дмитрий (70 кг). 16-18 азты кары ӕхсӕн Козаты Вадим рамбылдта бронзӕйон майдан. Фӕсивӕдон категорийы Джиоты Родион ссис чемпион, Дзигойты Стелла та рамбылдта ӕвзист майдан", - банысан кодта тренер.
Армрестлерты ерыстӕм бацӕттӕ кодтой тренертӕ Джиоты Валерий, Хӕбӕлаты Арсен ӕмӕ Дыгъуызты Милена.