ЦХИНВАЛ, 14 янв – Sputnik, Дзӕгъиаты Олег. Ирон спортсмен Бекъойты Азӕмӕт ацы къуыри ауадздзӕн йӕ фыццаг тох UFC-йы. Бекъойты Азӕмӕт у фыццаг ирон дунейы тыхджындӕр ӕмхӕццӕ ӕмтохӕдты лигӕйы.
Фыццаг тох Бекъойты Азӕмӕт ауадздзӕн америкӕйаг Зак Ризимӕ. Тох ацӕудзӕн астӕуккаг уӕзы UFC 311 турниры 18 январы ӕхсӕвы.
Бекъойты Азӕмӕтыл цӕуы 29 азы. Йӕ профессионалон карьерӕйы ауагъта 19 тохы, уыдонӕй 16 рамбылдта. Азӕмӕт у америкӕйаг лигӕ LFA-йы архайгӕ чемпион астӕуккаг уӕзы.