ЦХИНВАЛ, 20 янв - Sputnik. Цхинвалы Гафезы уынгыл бирӕфатерон хӕдзӕрттӕй иуы сылгоймаг ӕмӕ ӕртӕ сывӕллоны фӕхъӕстӕ сты газӕй, фехъусын кодта Хуссар Ирыстоны Уӕлвӕткон уавӕрты министрады (УУМ) пресс-службӕ.
"Зианбаййафджыты уавӕр у стабилон, сӕ цардӕн ницы тас ис. Сывӕллӕтты бакодтой рынчындонмӕ", - банысан кодтой уагдоны.
Министрады бахахх кодтой, газ кӕй ахъуыззыд газы плитӕйы ӕнӕраст эксплуатацийы фӕстиуӕгӕн.