ЦХИНВАЛ, 20 янв — Sputnik. Уӕрӕсейаг ӕфсӕдтӕ ссӕрибар кодтой цӕрӕн пункттӕ Новоегоровка ӕмӕ Шевченко Луганскы Адӕмон Республикӕ ӕмӕ Донецкы Адӕмон Республикӕйы, фехъусын кодта Уӕрӕсейы Федерацийы Хъахъхъӕнынады министрад.
Афтӕ ма уӕрӕсейаг авиаци, ӕнӕпилотон тӕхӕг аппараттӕ ӕмӕ артиллери ивгъуыд суткӕйы дӕргъы фехстой ӕфсӕддон аэродромты инфраструктурӕ, ӕнӕпилотон тӕхӕг аппаратты ӕмбырд кӕныны бынӕттӕ, афтӕ ма Украинӕйы Гарзджын тыхты хӕстонты ӕмӕ ӕфсӕддон техникӕйы лӕууӕн бынӕттӕ 152 районы. Уӕлдӕфон хъахъхъӕнынады фӕрӕзтӕ ӕрыппӕрстой авиабомбӕ Hammer, залпон ӕхсты реактивон системӕ HIMARS-ы аст сармадзаны ӕмӕ 86 дроны.
Ӕдӕппӕт сӕрмагонд ӕфсӕддон операцийы райдайӕнӕй скуынӕг кодтой: 652 хӕдтӕхӕджы, 283 вертолеты, 40 878 ӕнӕпилотон тӕхӕг аппараты, 590 зенитон ракетон комплексы, танктӕ ӕмӕ ӕндӕр бронетехникӕйы 20 684 иуӕджы, залпон ӕхсты реактивон системӕты 1510 иуӕджы, быдырон артиллери ӕмӕ минометты 20 809 сармадзаны, сӕрмагонд ӕфсӕддон автомобилон техникӕйы 30 501 иуӕджы.