ЦХИНВАЛ, 21 янв – Sputnik, Плиты Фатимӕ. Хуссар Ирыстоны историйы чиныг фӕхӕццӕ кодтой республикӕйы скъолатӕм. Ахуырады министрад радта чингуытӕ ахуырады районон хайадтӕ ӕмӕ горӕт Цхинвалӕн.
"Республикӕ Хуссар Ирыстоны историйы" чиныг цӕттӕ кодтой дӕс азы дӕргъы.
"Мах райстам ног чингуыты 1400 экземпляры. Абон сӕ райдыдтам уарын республикӕйы скъолатыл. Чингуытӕ ма радтой Цхинвалы ахуырады фӕткдаруатӕн, цӕмӕй сӕ дарддӕр байуарой ахуырадон уагдӕттыл", - фехъусын кодта журналисттӕн Хуссар Ирыстоны ахуырад ӕмӕ зонады министрады национ ахуырад ӕмӕ ӕвзаджы политикӕйы консультант Хъодалаты Дзерассӕ.
Чиныг бацӕттӕ кодтой профессор Бзарты Русланы редакцийы бын зындгонд ахуыргӕндты хайадистӕй: Гаглойты Юрий, Гаглойты Роберт, Пухаты Константин, Джиоты Мурӕт ӕмӕ Гаглойты Ирина.
Хуссар Иры скъолатыл уарынц историйы ног чингуытӕ
© Sputnik / Аслан Тедеев