ЦХИНВАЛ, 27 янв - Sputnik. Хуссар Ирыстоны президент Гаглойты Алан раарфæ кодта Александр Лукашенкойæн Белорусийы президенты бынатмæ йæ ногæй кæй равзæрстой, уый фæдыл.
Белорусийы президентон æвзæрстытæ ацыдысты хуыцаубоны. Централон æвзарæн къамисы бæрæггæнæнтæм гæсгæ, паддзахады ныры сæргълæууæг Александр Лукашенко райста æвзарджыты хъæлæсты 86,82%.
"Хуссар Ирыстоны Дæ уæлахиз президентон æвзæрстыты нымайынц патриотикон тыхты æнтыстыл. Уый та ахъаз уыдзæн Цæдисон паддзахад дарддæр сфидар кæнынæн", - дзырдæуы арфæйы телы.
Гаглойты Алан бафтыдта, зæгъгæ, хъæлæскæнынады развæлгъау бæрæггæнæнтæ равдыстой, Белорусийы адæм кæй кад кæнынц Александр Лукашенкойы сгуыхтдзинæдтæн æмæ æууæндынц йæ программæйыл.