ЦХИНВАЛ, 27 янв - Sputnik. Хуссар Ирыстоны ивгъуыд къуыри регистраци æрцыд дыууæ фыдракæнды, уыдонæй иу раргом кодтой, фехъусын кодта къуырисæры республикæйы Мидхъуыддæгты министрады (МХМ) пресс-службæ.
Афтæ ма къуырийы дæргъы милицийы кусджытæ алгъуызон фæткхæлдты тыххæй бæрндзинадмæ æрбаздахтой цыппар адæймаджы.
Республикæйы фæндæгтыл ацы период фæндагон-транспортон цаутæ не ‘рцыд, бахахх кодтой министрады.
Паддзахадон автоинспекцийы кусджытæ ивгъуыд къуыри сбæрæг кодтой фæндагон змæлды 331 фæткхалды, иу шофыры фæдыл та сарæзтой административон протокол автотранспорт нозтджынæй скъæрыны тыххæй.