ЦХИНВАЛ, 27 янв — Sputnik. Цхинвалы районы мидхъуыддӕгты фӕткдаруаты радгӕсон хайадмӕ ӕрбацыд хъусинаг, Тъбеты хъӕуы цӕрӕджы кардӕй кӕй ныццавтой, уый фӕдыл. Уый тыххӕй фехъусын кодта Хуссар Ирыстоны Мидхъуыддӕгты министрады (МХМ) пресс-службӕ.
Цауы бынатмӕ ацыд фӕдагуырды-оперативон къорд ӕмӕ сбӕрӕг кодта, хъаугъайы рӕстӕджы Цхинвалы 24-аздзыд цӕрӕг кардӕй кӕй ныццавта Тъбеты хъӕуы 20-аздзыд цӕрӕджы.
Зианбаййафӕджы буары цӕфтимӕ бакодтой рынчындонмӕ.
Медицинон басгӕрстмӕ гӕсгӕ, зӕрдӕхсайгӕ уыд нозтджын ӕмӕ пайда кодта наркотиктӕй. Хъуыддаджы ӕрмӕджытӕ бадӕттой МХМ фӕдагуырды фӕткдаруатмӕ дарддӕры фӕдӕвзарӕнмӕ.