ЦХИНВАЛ, 3 фев – Sputnik. Мæскуыйы цæгаттаг-ныгуылæн хайы цæрæн комплекс "Алые паруса"-йы срæмыгъды фæстиуæгæн иу адæймаг фæмард, ноджы ма цыппар та райстой цæфтæ, фехъусын кодта столицæйы экстренон службæйы минæвары ныхæстæ РИА Новости.
"Авиацион уынгыл цæрæн комплекс "Алые паруса"-йы 29-уæладзыгон хæдзары холлы срæмыгъды фæстиуæгæн иу адæймаг фæмард æмæ цыппар та райстой цæфтæ", - загъта агентады ныхасæмбал.
Йæ ныхæстæм гæсгæ, цауы бынаты райдыдта кусын фæдагуырдон-оперативон къорд.
Мæскуыйы фæдагуырды комитеты сæргълæууæг уый размæ фехъусын кодта, цауы фæдыл кæй бакодтой уголовон хъуыддаг.