ЦХИНВАЛ, 3 фев – Sputnik, Дзӕгъиаты Олег. Ирон дзюдоист Тасойты Инал фӕуӕлахиз "Большой шлем" серийы турниры Парижы.
Тасойты Инал рамбылдта 100 килограммы уӕзы категорийы. Ерысты финалы ирон богал фӕуӕлахиз хуссаркорейаг спортсмен Сенгуба Лийы.
"Большой шлем" - Ӕхсӕнадӕмон дзюдойы федерацийы Дунеон туры фӕлгӕтты ӕхсӕнадӕмон турнирты сери. Парижы этап уыд фыццаг ацы аз, хайад дзы райстой 300 дзюдоисты бӕрц дунейы 50 бӕстӕйӕ.