ЦХИНВАЛ, 4 фев – Sputnik, Дзӕгъиаты Олег. Ирон богалтӕ Дойаты Альберт ӕмӕ Дзабиты Алан ссисты Ӕхсӕнадӕмон турнир "Дан Колов – Никола Петров"-ы призертӕ греко-римаг хъӕбысхӕстӕй Болгарийы.
Дойаты Альберт рамбылдта сыгъзӕрин майдан 77 килограммы уӕзы категорийы. Альберт фидарӕй ауагъта ӕрдӕгфинал ӕмӕ финалы тохтӕ ӕмӕ рамбылдта йӕ ныхмӕлӕуджыты иумӕйаг хыгъд 16:1-ӕй.
Дзабиты Алан та бацахста дыккаг бынат 130 килограммы уӕзы категорийы. Алан сӕрибарӕй ахызт финалмӕ, йӕ ныхмӕлӕуджыты рамбылдта иумӕйаг хыгъд 17:1-ӕй. Фӕлӕ финалон тохы фембылд ирайнаг спортсменӕн ӕмӕ райста ӕвзист майдан.
Дойаты Альберт ӕмӕ Дзабиты Алан ӕхсӕнадӕмон аренӕйы архайынц Болгарийы тырысайы бын.