ЦХИНВАЛ, 4 фев — Sputnik. Хуссар Ирыстоны активон темптӕй цӕттӕ кӕнынц уалдзыгон быдырон куыстытӕм. Паддзахадон унитарон куыстуат "Ирагропромсервис" республикӕйы хъӕууон хӕдзарады министрадимӕ цалцӕг кӕны хъӕууонхӕдзарадон техникӕ.
Хортыды кампани рӕстӕгыл ауадзыны тыххӕй ӕрбаздахдзысты техникӕйы 33 иуӕджы. "Ирагропромсервис" развӕлгъау куырдиӕттӕм гӕсгӕ дӕтдзӕн техникӕ республикӕйы ӕппӕт районты фермертӕн.
Хуымгӕнӕн ӕмӕ хортыды куыстытӕ райдайдзысты февралы кӕрӕтты кӕнӕ марты райдианы.
Хуссар Ирыстоны 2024 азы хоры культурӕтӕ байтыдтой 4100 гектарыл, уый 800 гектары бӕрц фылдӕр у ивгъуыд азмӕ абаргӕйӕ. Хорз боныгъӕд фадат радта бацӕттӕ кӕнын уалдзыгон тауӕн кампанимӕ уӕлӕмхас 600 гектары.