ЦХИНВАЛ, 4 фев – Sputnik. Хуссар Ирыстоны президент Гаглойты Алан ауагъта уынаффӕйы ӕмбырд мидхъуыддӕгты министрады къухдариуӕгадимӕ. Рабадты рӕстӕджы президент ӕрдомдта бамбарын кӕнын, цӕмӕннӕ скуыста аппаратон-программон комплекс "Ӕдас горӕт".
Гаглойты Алан ауагъта уынаффӕйы ӕмбырд мидхъуыддӕгты министрады къухдариуӕгадимӕ
© Photo : Пресс-служба президента РЮО
Уынаффӕйы ӕмбырды хайад райстой парламенты спикер Мӕргъиты Алан ӕмӕ президенты администрацийы разамонӕг Ӕлборты Алан.
"Фӕнды мӕ фехъусын сымахӕй, цы аххосӕгты тыххӕй проект нырма дӕр не скуыста, афтӕ ма цы къахдзӕфтӕ ӕрцыд ӕххӕст ацы уавӕр раивыны фӕдыл ӕмӕ цы хъӕуы саразын, цӕмӕй "Ӕдас горӕт" ӕххӕст бӕрцӕй скуса", - загъта президент.
Президент баӕс кодта министрадӕн цыбыр ӕмгъуыдмӕ ӕрбавдисын хъӕппӕристӕ "Ӕдас горӕт"-ы проблемон фарстатӕ аскъуыддзаг кӕнынӕн.
Гаглойты Алан ауагъта уынаффӕйы ӕмбырд мидхъуыддӕгты министрады къухдариуӕгадимӕ
© Пресс-служба президента РЮО