ЦХИНВАЛ, 5 фев – Sputnik, Козаты Диана. Хуссар Ирыстоны цы инвестортӕ ӕвӕрынц фӕрӕзтӕ, уыдоныл ӕууӕндынц егъау кредитон организацитӕ, уый фӕрцы та республикӕйы бакӕнынц ног куыстуӕттӕ, фехъусын кодта Уӕрӕсейы Федерацийы экономикон райрӕзты министры хӕдивӕг Дмитрий Вольвач.
"Тынг хорз у, Уӕрӕсейы егъау кредитон организацитӕ куы ӕмгуыст кӕнынц инвестортимӕ ӕмӕ реализаци кӕнынц ахсджиаг проекттӕ. Ног куыстуӕтты баконд алыхатт дӕр вӕййы нысаниуӕгджын цау, ӕмӕ мын ӕхсызгон у уынын, ацы куыстуӕтты продукци кӕй хизы уӕрӕсейаг базармӕ", - загъта Вольвач.
Йӕ ныхӕстӕм гӕсгӕ, Хуссар Ирыстон йӕ бренд размӕ кӕны егъау ахӕм егъау мадзӕлтты, куыд Санкт-Петербурджы экономикон форум, Кавказы инвестицион форум ӕмӕ равдыст "Продэкспо"-йы.