ЦХИНВАЛ, 7 фев – Sputnik, Плиты Фатимæ. Хуссар Ирыстоны фæстаг дæс азмæ 400 адæймагæй фылдæр ныффыстой сæ мыггæгтæ иронау. Уый тыххæй фехъусын кодта Хуссар Ирыстоны Зонад-иртасæн институты директор Гаглойты Роберт.
Йæ ныхæстæм гæсгæ, мыггаг раивын кæй фæнды, уыдон хъуамæ райсой сæрмагонд доумент, цæмæй мыггаг фыст æрцæуа ирон традицитæм гæсгæ.
"Ирыстоны ис 2500 мыггаджы бæрц, уыдонæй 250 бæрц цæрынц Хуссары. Бæлвырдгæнæн документ дæттыны рæстæджы мах пайда кæнæм Гаглойты Зинаида æмæ Цхуырбаты Заремайы иртæстытæй", - бахахх кодта Гаглойты Роберт.
2012 азы закъоныпроекты инициатор уыд парламенты уæды вице-спикер Цхуырбаты Мира. Ацы закъон фенцондæр кодта мыггаг раивыны процедурæ.